Laxeldi í sjókvíum hefur verið stundað við Noreg í um hálfa öld og telst nú einn af máttarstólpum norsks atvinnulífs. Laxeldið hefur treyst byggð í dreifbýli og leitt til ofsagróða þeirra sem að því standa. En margvíslegur umhverfisvandi hefur hlotist af laxeldinu í Noregi. Gríðarlegt magn af laxalús og laxaúrgangi hefur farið í hafið, mjög mikið af eldislaxi hefur sloppið úr kvíum og blandast villtum laxi, auk þess sem sjúkdómar í eldisfiskinum hafa reynst erfiðir viðureignar. Stórfyrirtæki í norsku laxeldi hasla sér nú völl við Ísland. Þau beita sömu eldisaðferðum hér og í Noregi.

Í þessari bók segir norski blaðamaðurinn Kjersti Sandvik sögu norska laxeldisævintýrisins. Hún lýsir bæði því sem vel hefur tekist og þeim vandamálum sem hlotist hafa af uppbyggingu laxeldis í Noregi.

Þetta er bók sem enginn áhugamaður um þjóðfélagsmál, atvinnulíf og hreina íslenska náttúru getur látið fram hjá sér fara. Í frábærum lestri Veru Illugadóttur.

© 2020 Storyside (Hljóðbók): 9789152117453
© 2020 Ugla útgáfa (Rafbók): 9789935214447

Þýðandi: Magnús Þór Hafsteinsson

Útgáfudagur

Hljóðbók: 11 maj 2020
Rafbók: 27 oktober 2020