Að eilífu ég lofa

Nafn: Steinunn Bergsdóttir Besta vinkona: Dagný!! Og amma Uppáhaldsdýr: hamstrar, naggrísir, hundar og kanínur Uppáhaldsmatur: heit ostapizza, bökuð epli með kanilsykri, sykurpúðar, eggjabrauð, Uppáhaldsævintýri: Hringadróttinssaga Ég elska að: lenda í ævintýrum með Dagnýju, fara í útilegu og hanga með ömmu Ég þoli ekki: prumpulykt, dónaskap, geimverur og umhverfissóða

Áttu kæró? Nei (en ég er skotin, usss, það er leyndó!)

„Steinunn hélt niðri í sér andanum. Hún vissi hvað þetta þýddi en hana grunaði aldrei að þetta myndi koma fyrir hana. Þetta gerðist bara hjá öðrum fjölskyldum, ekki hennar. Þau voru fullkomin fjölskylda. Eða var það ekki? Steinunn fann að andardrátturinn varð hraðari og hugsanirnar þutu á ógnarhraða með ótal spurningum en engum svörum. Hvernig yrði framtíðin? Hvar yrði hún? Þyrfti hún að eiga tvö heimili? Tvo fataskápa? Tvennt af öllu dóti? Hvernig matur yrði heima hjá pabba? Kunni pabbi að elda? Hver myndi hjálpa mömmu að muna að taka vítamín, senda krakkana á réttum tíma á réttar íþróttaæfingar, vakna á morgnana, laga bílinn og jólaskreyta? Hver fengi Kött?“

Skilaboð frá höfundi: Skilnaður er skrýtinn með ógrynni af spurningum en fá svör. Ég skrifaði þessa sögu fyrir sjálfa mig og börnin mín þrjú þegar við stóðum á þessum krossgötum. Það er von mín að þessi saga færi þér, kæri lesandi, smá birtu og gleði.

© 2021 Kúrbítur (Hljóðbók): 9789935248978

Útgáfudagur

Hljóðbók: 24 mars 2021