Fullur skápur af lífi

Fullur skápur af lífi er fimmta bókin í flokknum um Kvenspæjarastofu númer eitt í Botsvana í Afríku þar sem hin snjalla og viðkunnanlega Precious Ramotswe og samstarfskona hennar leysa flókin mál í einkalífi og starfi.

Mma Ramotswe er trúlofuð hr. J.L.B. Matekoni og er farið að lengja eftir bónorði en vill þó ekki beita unnusta sinn of miklum þrýstingi, enda hefur hann um margt annað að hugsa. Hann þarf að kljást við bifvélavirkja í Botsvana sem pretta viðskiptavini sína og koma óorði á starfsstéttina.

Á Kvenspæjarastofuna kemur rík viðskiptakona á miðjum aldri sem getur ekki valið á milli vonbiðla sinna fjögurra. Mma Ramotswe fær það verkefni að kanna tilfinningar þeirra í garð konunnar og hver hæfi henni best – eða hvort þeir hafi einungis augastað á peningum hennar. Þetta er vissulega snúið verkefni en Mma Ramotswe fer af stað vopnuð innsæi sínu og klókindum.

Bækur Alexanders McCall Smith um Kvenspæjarastofu númer eitt hafa farið sigurför um heiminn, enda einstakar sögur sem hafa að geyma sjaldgæfa blöndu af spennu, gamansemi og mannúð. Hér í leiftrandi lestri Dominique Sigrúnardóttur.

© 2023 Mál og menning (Hljóðbók): 9789979346692

Þýðandi: Helga Soffía Einarsdóttir

Útgáfudagur

Hljóðbók: 28 augusti 2023