Handritagildran: Bókaþjófurinn kjöldreginn – 3. hluti

Síðustu misseri hefur dularfullur aðili valdið usla í íslenskri bókaútgáfu. Hann hefur sett sig í samband við landsþekkta rithöfunda og aðra sem tengjast íslenskri bókaútgáfu, í þeim tilgangi að stela handritum að nýjum bókum. Þegar rithöfundinum Friðgeiri Einarssyni varð ljóst að hann væri nýjasta skotmark hins alræmda þrjóts ákvað hann að taka málin í eigin hendur. En mitt í rannsókn Friðgeirs var 29 ára Ítali handtekinn í New York, fyrir glæpi hins íslenskumælandi bókaþjófs. Við handtökuna vöknuðu fleiri spurningar en svör. Hver er bókaþjófurinn, og hvað vill hann? Í þriðja hluta fær Friðgeir veður af því fólk á jaðri bókabransans, reyndar ansi utarlega á jaðrinum, sé farið að fá pósta í hans nafni með kunnuglegri beiðni: Geturðu sent mér PDF? Bókaþjófurinn sýnir á sér nýjar hliðar, en Friðgeir er hvergi banginn og leitar á náðir bæði ungmenna og hakkara í leit sinni að svörum. Enn fleiri kenningar um svikamyllustarfsemi þjófsins koma upp á yfirborðið. Er Friðgeir flæktur í eitthvað stærra en hann óraði fyrir? Er hann jafnvel í hættu? Handritagildran: Bókaþjófurinn kjöldreginn er ný hljóðsería úr smiðju Storytel Original, eftir rithöfundinn Friðgeir Einarsson.

© 2022 Storytel Original (Hljóðbók): 9789180354325

Útgáfudagur

Hljóðbók: 19 april 2022