Morðið í Gróttu

Þegar miðill leitar til Stellu með morðgátu úr framtíðinni afgreiðir hún hann sem loddara. Henni er því brugðið þegar kvótakóngurinn Grímúlfur finnst myrtur í Gróttu, við aðstæður sem minna óhugnanlega á lýsingar miðilsins.

Ráðgáturnar hrannast upp og Stella þarf að taka á honum stóra sínum til að vera skrefi á undan kaldrifjuðum glæpamönnum og prúðupiltunum í lögreglunni. Andstæðingar hennar svífast einskis til að koma höggi á hina kjaftforu og harðsoðnu Stellu. Við tekur vægðarlaus barátta upp á líf og dauða.

Hér er níunda bókin um háskakvendið Stellu Blómkvist komin á hljóðbók í frábærum lestri Anítu Briem. Aðdáendur Stellu eiga von á góðu því að öll serían verður fáanleg á Storytel.

© 2021 Mál og menning (Hljóðbók): 9789979344384

Útgáfudagur

Hljóðbók: 13 december 2021