Strumparnir – Hvar í strumpinum erum við?

Hinir sívinsælu strumpar eru mættir á Storytel í glænýju ævintýri í einstökum leiklestri Ladda. Nú líður að blámánahátíðinni, strumpaðasta degi ársins og strumparnir eru allir að springa af tilhlökkun. Því miður hleypur Klaufastrumpur örlítið á sig svo Kjartan galdrakarl birtist skyndilega í miðju Strumpaþorpi. Nú eiga strumparnir fótum fjör að launa og töfrar blámánans opna þeim óvænta leið. Nokkrir strumpar álpast inn í nýjan og undraverðan heim – en það gera líka Kjartan galdrakarl og kötturinn Brandur. Til allrar hamingju rekast strumparnir á Winslow-hjónin frábæru sem hjálpa þeim að fóta sig í útúrstrumpuðu stórborginni New York. En skyldi Æðstastrumpi takast að fá strumpana heim á ný áður en Kjartan galdrakarl gómar þá?

© 2020 Storyside (Hljóðbók): 9789152121566

Þýðendur: Sunna Dís Másdóttir

Útgáfudagur

Hljóðbók: 7 augusti 2020