Þegar kemur að leiðarlokum og fólk lítur yfir farinn veg eru spurningarnar sem það spyr yfirleitt ekki „hvað sé mikið inni á bankabókinni“ eða „hvað það hafi skrifað margar bækur“ eða „byggja mörg hús“. Ef þú hefur notið þeirra forréttinda að vera hjá fólki sem veit að það er að deyja þá veistu að spurningar þess eru mjög einfaldar: Gaf ég raunverulega ást? Lifði ég lífinu lifandi? Lærðist mér að gefa eftir? Í þessum spurningum felst kjarni andlegs lífs. (Úr 1. kafla)

Jack Kornfield er kunnur andlegur lærifaðir og hugleiðslukennari. Hann er fyrrverandi búddamunkur úr klaustrum í Suðaustur-Asíu sem kastaði kuflinum er hann fluttist aftur til Bandaríkjanna. Hann er doktor í klínískri sálarfræði og hefur einstakt lag á að samræma hina fornu og tímalausu speki Austurlanda annars vegar og nútíma vestræna sálfræði hins vegar. Sú blanda er hvoru-tveggja óvenjuleg og áhrifarík. Hann hefur ferðast um heiminn, haldið fyrirlestra og stjórnað kyrrðarvökum, auk þess að skrifa bækur sem hafa hlotið mikla athygli. Á þessari hljóðbók er að finna valda kafla úr tveimur bóka hans: Um hjartað liggur leið (A Path With Heart) og Þegar sælunni lýkur taka þvottarnir við (After the Ecstasy, the Laundry).

© 2019 Sigurður Skúlason (Hljóðbók): 9789935170736

Þýðandi: Sigurður Skúlason

Útgáfudagur

Hljóðbók: 11 juni 2019