Erla er að undirbúa boð heima hjá sér þegar hún er skyndilega hrifin til Álfheima. Hún kemst að því að vinum hennar, konungsbörnunum, er haldið föngnum af Völmundi galdrakarli og svartdvergunum hans í álagaskóginum í Furudal og hún ein getur bjargað þeim. Í skóginum eignast Erla sérstaka en góða vini sem hjálpa henni og hún fær einnig óvænta aðstoð frá lærisveini Völmundar. En þó að Erlu takist að frelsa vini sína er aðeins hálfur sigur unninn því leiðin til baka liggur um þverhnípta kletta, fjöll og dali og yfir Vonleysisá. Ekki er heldur víst að svartdvergarnir leyfi þeim að sleppa svo auðveldlega ef þeir skjóta upp kollinum.

Árið 2009 kom út fyrsta bók Hörpu Dísar, Galdrasteinninn, og er Fangarnir í trénu sjálfstætt framhald þeirrar bókar en Harpa var einungis 16 ára þegar Galdrasteinninn kom út.

© 2020 Storyside (Hljóðbók): 9789179732165

Útgáfudagur

Hljóðbók: 19 februari 2020