App Store

Google Play

{{seriesTitle}} - serían

is Device Banner Block 894x1036

Stígðu inn í heim af óteljandi sögum

Hlustaðu og lestu

Angela Marsons

Bækur Angelu Marsons um lögreglukonuna Kim Stone hafa slegið í gegn í Bretlandi og hafa komið út á meira en 20 tungumálum um allan heim. Nú er Kim Stone komin til Íslands – og hún er komin til að vera. 

Jafnvel myrkustu leyndarmál liggja ekki grafin að eilífu ...

Fimm manneskjur standa yfir grunnri gröf. Þær höfðu allar skipst á að grafa. Gröf fyrir fullorðinn hefði tekið lengri tíma. Saklaust líf hafði verið tekið en fólkið hafði gert með sér samning. Leyndarmál þeirra skyldu grafin, bundin í blóði. Mörgum árum síðar finnst skólastýra myrt; hið fyrsta í röð hrottalegra morða í Svörtulöndum.

Þegar mannabein finnast hjá fyrrum upptökuheimili fara gömul leyndarmál að koma í ljós. Rannsóknarlögreglan Kim Stone áttar sig fljótlega á því að hún er á höttunum eftir sjúkum einstaklingi sem á áratuga langa morðsögu. Kim er í kapphlaupi við tímann um að ná morðingjanum því að líkunum fjölgar hratt.

Íris Tanja Flygenring

Storyside

Kim Stone

Þögult óp

Ingunn Snædal

Því meiri sem illskan er, þeim mun hættulegri verður leikurinn …

Þegar dæmdur nauðgari er stunginn til bana eru rannsóknarfulltrúinn Kim Stone og liðið hennar kölluð á vettvang til að leysa málið í snatri. Fleiri skuggalegir atburðir eiga sér stað og það verður æ ljósara að eitthvað enn óheillavænlegra liggur að baki. Eftir því sem rannsókninni vindur áfram og Kim er einnig að reyna að ljóstra upp leyndarmálum hrings barnaníðinga, verður hún smám saman skotmark brjálaðs einstaklings sem fæst við sjúklegar tilraunir.

Rannsóknarfulltrúinn þarf að taka á öllu sínu í baráttunni við hættulegan félagsblindingja sem virðist þekkja allar veikar hliðar hennar. Þegar fórnarlömbunum fjölgar verður Kim að grafa lengst niður í fortíð sína til að stoppa morðingjann. Í þetta sinn er baráttan persónuleg.

Fimm stjörnu krimmi frá höfundi metsölubókarinnar Þögult óp.

Ljótur leikur

Tvær stúlkur eru horfnar. Aðeins önnur þeirra mun skila sér heim.

Hjónin sem bjóða hærri peningaupphæð fá dóttur sína til baka, hin ekki. Þannig eru reglurnar. Annað barnið mun deyja.

Þegar hinar níu ára gömlu Charlie og Amy hverfa skyndilega upplifa fjölskyldur þeirra sannkallaða martröð. Stuttu síðar berst staðfesting á hinu óhugsandi í textaskilaboðum; stúlkunum hefur verið rænt.

Næstu skilaboð etja fjölskyldunum tveimur saman í keppni um líf dætra sinna, og tíminn er senn á þrotum hjá Kim Stone og liðinu hennar.

Mannræningjarnir virðast alltaf skrefi á undan og eftir því sem líkunum fjölgar áttar Stone sig á því að þetta eru mögulega hættulegustu glæpamenn sem hún hefur átt í höggi við. Möguleikarnir á að stúlkurnar finnist á lífi minnka með hverri klukkustund …

Lausnina gæti verið að finna í leyndarmálum sem grafin eru í fortíð fjölskyldnanna. Tekst Kim að leysa úr þessu áður en það verður um seinan? Eða mun önnur stúlkan deyja?

Nýjasta, ávanabindandi glæpasagan frá metsöluhöfundinum Angelu Marsons.

„Frábær, frábær, frábær! Ef ég gæti gefið þessari fleiri stjörnur en 5 myndi ég gera það.“ –Fiona’s Book Reviews

„Bækur Angelu Marsons verða bara betri og betri. Grípandi saga sem heltekur mann svo að það er ómögulegt að leggja bókina frá sér fyrr en hún er búin.“ –Off the Shelf Book Reviews

„Vá, ég átti ekki von á að bækurnar um Kim Stone gætu orðið betri en hér hefur Angela Marsons slegið sjálfri sér við. Óhemju hraður tryllir með óvæntum útskotum og beygjum. Ég gat alls ekki lagt hana frá mér, hún er svo óhemju spennandi. Ég gef bókum ekki 5 stjörnur nema þær hafi eitthvað alveg sérstakt við sig, og Týndu stúlkurnar eiga 5 stjörnur svo sannarlega skilið!“ –Cal Turner’s Book Reviews

Týndu stúlkurnar

Hin framliðnu segja ekki frá leyndarmálum … nema þú leggir við hlustir.

Illa útleikið andlitið starði ósjáandi upp í bláan himininn, munnurinn var fullur af mold. Yfir blóðugu líkinu var flugnasveimur.

Starfsemi Westerley-rannsóknarstofnunarinnar er ekki fyrir viðkvæmar sálir. Þar eru geymd lík á ýmsum stigum rotnunar til að skoða áhrif hennar og einkenni. Þegar Kim Stone rannsóknarlögreglufulltrúi uppgötvar þar nýlegt lík ungrar konu virðist sem morðingi hafi fundið hina fullkomnu leið til að breiða yfir glæpi sína.

Önnur stúlka verður fyrir árás og er skilin eftir í blóði sínu, líkaminn fullur af sljóvgandi lyfjum og munnurinn af mold. Stone virðist augljóst að raðmorðingi sé að verki – en hve mörg lík munu finnast? Og hver er næst?

Blaðamaðurinn Tracy Frost hverfur og allar viðvörunarbjöllur hringja. Lausn gátunnar virðist að finna í fortíðinni – en getur Kim leyst málið áður en enn ein stúlka verður fórnarlamb morðingjans?

Ávanabindandi og hörkuspennandi tryllir frá alþjóðlega metsöluhöfundinum Angelu Marsons.

Myrkrið bíður

Þegar kona er myrt með einni einustu, hárnákvæmri hnífstungu virðist það í fyrstu vera rán sem hefur farið úrskeiðis; virtur og góðhjartaður félagsráðgjafi sem orðið hefur fórnarlamb handahófskennds ofbeldisglæps. Í augum Kim Stone, rannsóknarlögreglufulltrúa, er þó eitthvað sem ekki gengur upp.

Þegar eiturlyfjaneytandi í nágrenninu finnst myrtur með sams konar sár segir eðlisávísunin Kim að um sama morðingja sé að ræða. Þar sem engin tengsl finnast milli fórnarlambanna, önnur en kalt og úthugsað ofbeldið, gæti þetta orðið hennar erfiðasta mál til þessa.

Kim á erfitt með að einbeita sér að eltingarleiknum við morðingjann þegar henni berst hrollvekjandi bréf frá doktor Alex Thorne, félagsblindingjanum sem hún kom á bak við lás og slá. Í þetta sinn reiðir Alex til höggs þar sem Kim er veikust fyrir og neyðir hana til fundar við konuna sem drap litla bróður Kim – móður hennar.

Þegar líkunum fjölgar fletta Kim og lið hennar ofan af hroðalegum leyndarmálum og færast sífellt nær morðingjanum. Eitt þeirra gæti þó verið í mikilli hættu og í þetta sinn er ekki víst að Kim takist að bjarga málunum …

Hörkuspennandi glæpasaga sem ómögulegt er að hætta að hlusta á fyrr en eftir að hin óvæntu endalok eru komin í ljós.

Blóðhefnd

Mannabein koma í ljós við fornleifauppgröft á akri í Svörtulöndum sem breytist samstundis í flókinn glæpavettvang fyrir Kim Stone rannsóknarfulltrúa. Við flokkun beinanna verður ljóst að þarna eru bein úr fleiri en einu fórnarlambi og þau bera merki ólýsanlegs hryllings; eftir skotvopn og dýragildrur.

Kim neyðist til að vinna við hlið Travis rannsóknarfulltrúa, en þau hafa eldað grátt silfur saman undanfarin ár, og afhjúpa myrk leyndarmál fjölskyldnanna sem eiga landið þar sem beinin fundust.

Á meðan Kim er niðursokkin í eina flóknustu rannsókn sem hún hefur tekið þátt í er liðið hennar að fást við röð hræðilegra hatursglæpa. Kim er nálægt því að finna svör en skyndilega er einn liðsmaður hennar í hættu og tíminn að renna út. Getur hún bjargað málunum – áður en það er um seinan?

Spennandi og hryllileg glæpasaga sem heldur lesendum föngnum.

Dauðar sálir

Á dimmum og köldum desembermorgni kemur rannsóknar­fulltrúinn Kim Stone inn á lögreglustöðina í Halesowen. Hún er að fara að hitta nýja liðið sitt í fyrsta sinn. Fórnarlambið í næsta máli er sömuleiðis að fara að hitta morðingja sinn …

Þegar lík ungs manns finnst afhöfðað og neglt við jörðina eru Kim og nýja liðið hennar fljót á vettvang. Við leit á heimili fórnarlambsins finnur Kim svefnherbergi lítillar stúlku og falda fartölvu, en hvar er barnið? Þegar Kim byrjar að fletta ofan af hroðalegum sannleikanum um fórnarlambið koma óhugnanleg líkindi í ljós við nýlegt morð á manni sem fannst undir stiga í Redland Hall með fjölda stungusára – og Kim uppgötvar tengsl við kvennaathvarf. Þar sem hún sjálf er afsprengi félagsmálakerfisins veit hún vel hvað það er að vera í viðkvæmri stöðu. Er athvarfið lykillinn að lausn málsins?

Forleikur. Hér fást Kim Stone og lið hennar við sitt fyrsta mál. Sagan gerist á undan áður útkomnum bókum um Kim Stone. Fullkomið fyrir aðdáendur Kim Stone og nýja lesendur þessa metsölubókaflokks. Kim Stone rannsóknarlögreglufulltrúi býr sjálf yfir myrkum leyndarmálum og fer út á ystu nöf til að vernda þau sem hjálpar þurfa við ... Hér í frábærum lestri Írisar Tönju Flygenring.

Drápa

Fyrsta málið

Morð á ungri vændiskonu og kornabarn sem finnst yfirgefið sama vetrarkvöldið er upphafið að erfiðri rannsókn Kim Stone – sem kemst aftur í kynni við manneskju frá sinni eigin hræðilegu æsku.

Þegar þrjár vændiskonur í viðbót finnast myrtar í Svörtulöndum í röð síharkalegri árása gera Kim og liðið hennar sér grein fyrir því að þetta var ekki handahófskenndur ofbeldisglæpur heldur er sjúkur raðmorðingi að verki.

Á sama tíma er leitað að foreldri sem skildi ungbarn sitt eftir við lögreglustöðina – en það sem virðist í fyrstu vera sorgleg höfnun tekur fljótlega á sig aðra og mun dekkri mynd.

Þegar ung stúlka hverfur vísa rannsóknirnar tvær lögregluliðinu inn í hryllilegan og hulinn heim þar sem Kim lendir í lífshættu við að leiða málin til lykta.

Getur Kim ráðið niðurlögum sinna eigin djöfla og stöðvað morðingjann áður en enn eitt lífið glatast?

Hörkuspennandi glæpasaga úr metsöluseríunni – þessa bók er ekki hægt að leggja frá sér fyrr en sagan er á enda! Hér í frábærum lestri Írisar Tönju Flygenring.

Brotin bein

Hve langt myndir þú ganga til að gæta myrkustu leyndarmála þinna?

Þegar táningurinn Sadie Winter stekkur fram af þakinu á skólanum sínum er dauði hennar álitinn sjálfsvíg –hún hafði átt við ýmsa erfiðleika að stríða. En svo finnst lík ungs drengs í sama skóla og rannsóknarfulltrúanum Kim Stone finnst augljóst að þessi dauðsföll eru af manna völdum. Þegar Kim og liðið hennar byrja að fletta ofan af leyndarmálunum sem tengjast skólanum virðist einn kennarinn vita hvað býr að baki en áður en þau ná að tala við hana finnst hún einnig látin.

Líf fleiri barna eru í hættu og Kim verður að velta fyrir sér því sem er óhugsandi – hvort annar nemandi geti borið ábyrgð á morðunum. Hún þarf að leita á náðir fyrrverandi andstæðings síns, Alex Thorne, siðblinda geðlæknisins sem reyndi að leggja líf Kim í rúst, til að fræðast um börn sem drepa.

Kim finnur tengsl á milli morðanna og busavígsluhrekks sem framinn var í skólanum mörgum árum áður. Til að bjarga börnunum verður hins vegar að færa fórnir og liðið hennar Kim upplifir það á eigin skinni. 

Þessi hreint ótrúlega grípandi glæpasaga frá metsöluhöfundinum Angela Marsons heldur lesandanum í heljargreipum fram á síðustu mínútu.

Banvænn sannleikur

Jafnvel myrkustu leyndarmál liggja ekki grafin að eilífu...

Kim Stone - serían

Kim Stone - serían

Kim Stone bækurnar í röð

Hlustaðu og lestu