Ekki fara á skíði

Varúð! Ekki hlusta á þessar sögur fyrir háttinn! Hrekkjavökur eru hræðilegar og fyndnar sögur fyrir hugrökk börn. Þið mætið allskyns kynjaverum og hrikalegum skepnum sem hafa hrætt líftóruna úr kátum krökkum alla tíð síðan í eldgamla daga. Alræmdu rithöfundarnir og hjónakornin Bergþóra Snæbjörnsdóttir og Bragi Páll Sigurðsson setja allar þessar ófreskjur í nýjan og spennandi búning. Nú er tíminn til að snúa lyklinum í skránni, leiða hjá sér marrið í hurðinni og hvinið í vindinum og hleypa óttanum inn fyrir þröskuldinn... og kannski hlæja smá í leiðinni. Af hverju leyfir pabbi hennar Andreu henni aldrei að gera neitt upp á eigin spýtur? Við hvað er hann alltaf svona hræddur? Til að útskýra það skrifar pabbinn langt bréf til dóttur sinnar þar sem hann segir henni frá skelfilegu skíðanámskeiði sem hann var sendur á þegar hann var lítill. Skólastjórinn var stórskrítinn og krakkarnir á námskeiðinu hegðuðu sér mjög afbrigðilega. Eiginlega eins og dýr. Og það virtist stórhættulegt að sofna! Hvað gerðist eiginlega í skíðaskólanum? Ekki fara á skíði sækir innblástur í eldgamlar sögur um umskiptinga og huldufólk. Hvað er það? spyrðu kannski. Þú verður bara að hlusta og komast að því!

© 2024 Storytel Original (Hljóðbók): 9789180689502
© 2024 Storytel Original (Rafbók): 9789180689519

Útgáfudagur

Hljóðbók: 1 oktober 2024
Rafbók: 30 september 2024