Í þessari þriðju bók um Kvenspæjarastofu nr. 1 í Botsvana í Afríku glímir hin eitursnjalla og ómótstæðilega Precious Ramotswe við snúin mál í einkalífi og starfi.

Reksturinn á kvenspæjarastofunni er í járnum og Ramotswe tekur þá mikilvægu ákvörðun að deila húsnæði með mannsefninu, hr. J.L.B. Matekoni. Þótt í þessu felist hagræðing fyrir bæði fyrirtækin þarf hr. Matekoni talsvert á athygli heitkonu sinnar að halda …

Jafnhliða þarf kvenspæjarastofan að glíma við mörg af sínum erfiðustu málum: hátt settur embættismaður telur mágkonu sína ætla að eitra fyrir bróður sínum og vill fletta ofan af henni; í fegurðarsamkeppni kemur í ljós að fegurðardísirnar eru svo illa innrættar að kvenspæjarastofunni er falið að kanna hver þeirra hefur besta hjartalagið – og svo er það dularfulli drengurinn sem fannst villtur, nakinn og angaði af ljónum …

Bækur Alexanders McCall Smith um Kvenspæjarastofu númer eitt hafa farið sigurför um heiminn á undanförnum árum. Þetta eru líka einstakar sögur sem hafa að geyma sjaldgæfa blöndu af spennu, gamansemi og mannúð. Hér í lestri Dominique Sigrúnardóttur.

© 2023 Mál og menning (Hljóðbók): 9789979346678

Þýðandi: Helga Soffía Einarsdóttir

Útgáfudagur

Hljóðbók: 26 juni 2023