Precious Ramotswe er slyngasti kvenspæjarinn í Botsvana og jafnvel þótt leitað væri um gjörvalla Afríku.

Hún er hyggin og úrræðagóð og með góðri hjálp vinar síns, herra J.L.B. Matekoni, ásamt traustri handbók um spæjarastörf, mikilli mannþekkingu og ærnu brjóstviti leysir hún fjölbreytilegustu mál sem fólk leitar til hennar með: horfnir eiginmenn finnast og óvæntir sökudólgar koma í ljós, börn koma í leitirnar og svikahrappar fá makleg málagjöld.

Alexander McCall Smith þykir takast fádæma vel að flétta saman spennandi atburðarás og húmor, um leið og hann dregur upp sannfærandi og hugstæða mynd af daglegu lífi í Afríku. Sú staðreynd að sögurnar gerast í Afríku gerir að verkum að vandamálin sem þarf að leysa eru fjölbreyttari en í norðrinu. Hvað gerir maður til dæmis þegar 11 ára dreng er rænt af galdralæknum? Ungfrú Ramotswe svarar þeirri spurningu í Kvenspæjarastofu númer eitt.

Þetta er fyrsta bókin í hinum vinsæla flokki um kvenspæjarann Precious Ramotswe í Botsvana í Afríku sem hlotið hefur einróma lof gagnrýnenda og lesenda um allan heim, enda hafa bækurnar að geyma sjaldgæfa blöndu af spennu, gamansemi og mannúð og skilja eftir sig vellíðan hjá lesanda.

© 2023 Mál og menning (Hljóðbók): 9789979346654

Þýðandi: Helga Soffía Einarsdóttir

Útgáfudagur

Hljóðbók: 17 april 2023