Baldursbrár

Prestshjón finnast látin í íbúð sinni í Stokkhólmi. Í bréfi segist presturinn hafa svipt sig og konu sína lífi af því að dauði dóttur þeirra fáum dögum áður hafi orðið honum um megn. En Fredriku Bergman, Alex Recht og félögum þeirra í lögreglunni finnst eitthvað ekki koma heim og saman. Írakinn Ali situr innilokaður í leiguíbúð í borginni og bíður eftir tækifærinu sem á að skapa fjölskyldu hans nýtt líf í Svíþjóð. Hann þarf bara að gera eitt viðvik fyrst og enginn má vita erindi hans til landsins. Hinum megin á hnettinum, á strætum Bangkok, berst ung sænsk kona fyrir tilveru sinni. Einhver er fast á hælum hennar og virðist hafa girt fyrir allar undankomuleiðir. Og klukkan tifar.

Kristina Ohlsson er einn vinsælasti spennusagnahöfundur Norðurlanda. Baldursbrár er önnur bók hennar í margverðlaunaðri og geysispennandi seríu um Fredriku Bergman, rannsóknarsérfræðing hjá sérsveit sænsku alríkislögreglunnar. Hér í frábærum lestri Sigríðar Eyrúnar Friðriksdóttur.

© 2024 JPV (Hljóðbók): 9789935295392

Þýðendur: Jón Daníelsson

Útgáfudagur

Hljóðbók: 11 april 2024