Hilduleikur: skáldsaga

„Algjört skilyrði að viðkomandi hafi áhuga á skáldskap og ljóðum stóð í auglýsingu sem Hilda setti inn á Facebook ári eftir að Ragnar féll frá. Þessi tilmæli fældu frá leiðinlegt fólk sem kunni bara á ryksugu og afþurrkunarklút og ekki var hægt að tala við um neitt annað en vöruverð og veðurfar.“

Sumir segja að þessi skáldsaga flokkist undir dystópíur. Í ekki allt of fjarlægri framtíð á Hilda í baráttu við öldrunariðnaðinn í líki fyrirtækisins Futura Eterna sem sér um skipulagningu ævikvöldsins. Hún er ljóðelsk kona, telst vera komin á „aflífunaraldur“ en sættir sig ekki við þá skilgreiningu og atburðarásin tekur óvænta stefnu. Spennandi, harmræn og launfyndin framvinda með óvæntum endi kallast á við óvenjulegt pestarástand samtímans með gagnrýnum undirtón.

Hlín hefur sent frá sér fimm skáldsögur: Einlífi (2023), Meydómur (2021), Hilduleikur (2020), Blómin frá Maó (2009) og Hátt uppi við Norðurbrún (2001). Að auki skrifaði hún bókina Að láta lífið rætast – ástarsaga aðstandanda (2003) sem var tilnefnd til Íslensku bókmenntaverðlaunanna í flokki fræðirita og bóka almenns efnis.

Hún hefur leikstýrt í öllum helstu leikhúsum landsins, m.a. hjá Leikfélagi Akureyrar, Leikfélagi Reykjavíkur og í Þjóðleikhúsinu.

© 2022 Storyside (Hljóðbók): 9789180560450
© 2024 Ormstunga (Rafbók): 9789979631378

Útgáfudagur

Hljóðbók: 21 april 2022
Rafbók: 13 september 2024