Eftir bílslys í ringulreið stríðsáranna lendir sex vikna telpa á íslensku sveitaheimili, elst þar upp, eignast dóttur og deyr. Um tvítugt stendur dóttirin, Katrín, uppi ein með óljósar vísbendingar um uppruna sinn. Hún ákveður að halda áfram námi sínu erlendis en í því felast ferðalög og skyndilega er Katrín komin á slóðir móðurættar sinnar án þess að vita það ... eða þá það að hún er lifandi eftirmynd ömmu sinnar. Sögur um draugagang fara á kreik og Katrín dregst bæði inn í fjölskyldu- og ástarmálaflækjur. Loks telur hún sig sloppna ... en fjölskyldutengsl leynast víða og sumir vilja að hún fái það sem henni ber með réttu ...