Allir eiga sögur sem erfitt er að segja – sumir eiga margar. Himnaljós er safn slíkra sagna. Hver með sínum hætti varpa sögurnar ljósi á glímu venjulegs fólks við erfiðar spurningar tilverunnar – dansinn við eigin innri djöfla og þá sátt sem að lokum kann að nást. Bókin hlaut Nýræktarstyrk Miðstöðvar íslenskra bókmennta 2015. Í umsögn úthlutunarnefndar segir: Með lágstemmdum en hrífandi prósa bregður höfundur upp ólíkum myndum af forgengileika lífsins – af einsemd, örvæntingu og uppgjöf. Myndirnar eru nístandi en eftir þungan lífróður má jafnvel finna hvíld. Berglind Björk Jónasdóttir les.