Hrottalegt morð á hlaupastíg. Fórnarlambið er ung kona, í vasa hennar finnst hálsmen með mynd af Astekaguði, morðvopnið er haglabyssa. Annað morð: sama umhverfi, sams konar skartgripur. Hvernig velur morðinginn fórnarlömb sín? Tengjast morðin leynilegum trúarsöfnuði? Hver verður næsta fórnarlamb? Kati Hiekkapelto hefur slegið í gegn með bókum sínum um lögreglukonuna Önnu Fekete. Bækur hennar koma nú út í hverju landinu á fætur öðru og fá frábæra dóma lesenda og gagnrýnenda. Elva Ósk Ólafsdóttir les þennan magnþrungna spennutrylli.