Elísabet Mc.Tosh Markúsdóttir sem við þekkjum úr fyrri bókum um Melastelpuna eftir Normu E. Samúelsdóttur er mætt í þessari þriðju bók um húsmóður í Þingholtunum. Það gengur á ýmsu í ævi manneskju, brauðstrit, barátta. Beta, sextíu og fimm ára, lítur til baka. Margs vísari. Komst næstum heil heim.

Einlæg og lifandi frásögn skáldkonunnar Normu sem lítur til baka í þessari skáldævisögu um Betu, móður í Þingholtunum, sem fékk greininguna ADHD seint á ævinni og sér nú líf sitt í nýju ljósi. Hefði hún fengið greininguna fyrr hefði líf hennar kannski orðið öðruvísi. Þurfa allir að vera normal? Hvað þýðir það að vera normal?