Hvernig slakar músin á eftir að hafa sloppið undan kisu? Eða hunangsflugan sem alltaf hefur nóg á sinni könnu við að safna blómasafa og framleiða hunang? Hvernig nær Undri, gullfiskurinn frægi, aftur andanum eftir að hafa stokkið í klósettið og ferðast langa leið í átt að Náttúruminjasafninu?

Eftir amstur dagsins er öllum nauðsynlegt að losa um streituna og ná slökun. Það veit til dæmis Kisa sem þarf að hvíla sig bæði fyrir og eftir músaveiðar og jarðkötturinn Snör sem ferðast með fjölskyldu sinni um heita eyðimörkina í Afríku í leit að æti.

Í slökunarsögum Ásdísar Káradóttur, sem birtast hér í einstaklega þýðum lestri Kolbeins Arnbjörnssonar, eru börnin tekin á vit ævintýranna þar sem þau geta fylgt fordæmi sögupersónanna þegar þau leggjast til hvíldar og gert með þeim slökunaræfingar.

Við skrifin fékk Ásdís Káradóttir innblástur úr ýmsum áttum og færir hún ungum hlustendum nú sögur þar sem værð er höfð í fyrirrúmi.

© 2023 Storyside (Hljóðbók): 9789180626699

Útgáfudagur

Hljóðbók: 9 maj 2023