Ólöf eskimói – ævisaga íslensks dvergs í Vesturheimi

Sem eskimóinn Olof Krarer ávann hún sér frægð og frama með uppspunninni ævisögu sinni, ferðaðist víðsvegar um Bandaríkin og tókst að halda blekkingaleiknum áfram í upp undir þrjá áratugi og flytja um 2500 fyrirlestra.

Inga Dóra Björnsdóttir segir hér frá ævintýralegu lífshlaupi Ólafar. Hún greinir frá æsku hennar og uppruna, lífinu í Kanada og Bandaríkjunum, samferðamönnum og tíðaranda, ekki síst áhuga Bandaríkjamanna á norðurslóðum og kapphlaupinu á norðurpólinn. Þá er grafist fyrir um orsakir þess að Ólöf komst upp með að þylja ósannindi á opinberum vettvangi árum saman. Af hverju var hún tekin trúanleg? Og hvers vegna komu þeir sem betur vissu ekki upp um hana?

Bókin var tilnefnd til Íslensku bókmenntaverðlaunanna árið 2004 og birtist hér í frábærum lestri Kötlu Margrétar Þorgeirsdóttur.

© 2024 Mál og menning (Hljóðbók): 9789979352228

Útgáfudagur

Hljóðbók: 11 juli 2024