Einvígið - Erlendur #1

Sumarið 1972 er Reykjavík í uppnámi; heimsmeistaraeinvígið í skák er að hefjast í Laugardalshöll og bærinn fullur af útlendingum. Kalda stríðið er í algleymingi og fulltrúar austurs og vesturs fylgja sínum mönnum, Spassky og Fischer, að taflborðinu. Meðan undirbúningurinn stendur sem hæst fer meinlaus unglingspiltur í bíó og verður fyrir fólskulegri árás. Lögreglan er önnum kafin en Marion Briem, sem stýrir rannsókn málsins, einsetur sér að skilja það einvígi sem þarna er háð með lífið að veði. Í fimmtándu skáldsögu Arnaldar Indriðasonar mynda sannsögulegir atburðir rammann um grípandi frásögn af hörmulegri mannfórn. Enginn íslenskur höfundur hefur notið viðlíka vinsælda og Arnaldur síðustu ár, hér heima jafnt sem erlendis. Bækur hans hafa verið þýddar á tugi tungumála, selst í milljónum eintaka og hlotið frábæra dóma hvarvetna. Nýlega setti breska stórblaðið The Guardian nafn hans efst á lista yfir bestu evrópsku sakamálahöfunda samtímans.

© 2011 Skynjun (Hljóðbók): 9789935180100
© 2021 Vaka-Helgafell (Rafbók): 9789979221555

Útgáfudagur

Hljóðbók: 29 november 2011
Rafbók: 15 februari 2021