Ódáðahraun er áttunda skáldsaga Stefáns Mána, kom fyrst út árið 2008 en er hér í endurbættri útgáfu höfundar 2022. Hér leiðir hann saman undirheimana og viðskiptalífið á eftirminnilegan hátt í kraftmikilli spennusögu beint úr íslenskum veruleika.

Óðinn R. Elsuson er harðsvíraður glæpamaður sem einn daginn situr uppi með dularfullt óskilabréf. Bréfið opnar honum dyr inn í heim viðskipta og hlutabréfakaupa og fyrr en varir er undirheimakóngurinn komin í stríð við helstu auðjöfra landsins. Óðinn er síðasta íslenska hálftröllið, heljarmenni sem vekur í senn ótta og aðdáun og vílar ekkert fyrir sér þegar peningar og völd eru annars vegar.

Í bókinni fléttast saman kröftugt ímyndunarafl Stefáns Mána og ótrúlegar en dagsannar sögur úr íslensku viðskiptalífi frá þeim tíma sem það stóð sem hæst. Ódáðahraun er grafskrift íslenska hlutabréfaævintýrisins: Harðsoðin spennu- og örlagasaga sem heldur lesandanum í heljargreipum frá upphafi til enda.

© 2022 Sögur útgáfa (Hljóðbók): 9789935311306

Útgáfudagur

Hljóðbók: 23 maj 2022