Frostrós: 2. hluti

Meðlimir Gestapó eru komnir að heimili Jóhanns í þeim erindagjörðum að færa eiginkonu hans, Ágústu, til yfirheyrslu. En Jóhann stendur keikur og brátt fær hann sérstakt leyfisbréf frá sjálfum Himmler. Hann er kominn á sporið um hver Frostrós raunverulega sé.

Frostrós er saga um mann sem smám saman missir allt ‒ fjölskyldu, samstarfsmenn, heimili, heimaborg og heimaland ‒ á meðan hann rannsakar morð fyrir stjórnvöld sem víla ekki fyrir sér að myrða milljónir manna.

Í Berlín á tímum seinni heimsstyrjaldarinnar eru níu konur myrtar á meðan myrkvunartilskipun nasista í borginni stendur yfir. Morðin leggjast þungt á Kripo-rannsakandann Jóhann Braunmann og hann linnir ekki látum fyrr en málin eru upplýst. Eftir spennuþrungna leit hefur hann hendur í hári morðingjans ‒ og þó: eitt morðanna er ólíkt hinum og þar virðist ekki sami gerandi að verki.

Ung stúlka finnst myrt og líkið er umlukið snjó. Engum tekst að bera kennsl á stúlkuna sem Jóhann kallar Frostrós. Í skugga stríðs, valdabrölts og níðingsháttar nasista fer Jóhann vítt og breitt um borgina í rannsókn sinni á morðinu. Málið hefur persónuleg áhrif á Jóhann og fjölskyldu hans, og eftir því sem rannsóknin vindur upp á sig áttar hann á sig að ekki er allt sem sýnist.

Hvers vegna skipa valdamenn innan Nasistaflokksins honum að upplýsa morð á einni stúlku á meðan þeir heyja stríð og drepa milljónir á vígstöðvunum? Hvers vegna virðist sem svo að yfirmenn hans leyni hann upplýsingum? Rannsóknarlögreglumaðurinn Jóhann Braunmann, einn af þeim fyrstu til að skrá sig í Nasistaflokkinn, er farinn að efast um réttmæti Þriðja ríkisins og jafnframt er hann farinn að efast um stöðu sína og tilgang í lífinu. En þrátt fyrir það getur hann ekki hætt, hann verður að finna morðingja Frostrósar.

Mikill hluti sögunnar byggir á raunverulegum persónum og atburðum. Hér hefst annar hluti af þremur.

© 2021 Storytel Original (Hljóðbók): 9789180363693
© 2021 Storytel Original (Rafbók): 9789180363716

Þýðandi: Ingibjörg Eyþórsdóttir

Útgáfudagur

Hljóðbók: 29 november 2021
Rafbók: 3 december 2021