Hefndin

Kyrrlátt kvöld í smábæ syðst í Svíþjóð brýst huldumaður inn á fjölskylduheimili og myrðir foreldra þriggja barna. Yngsta barnið, átta ára stúlka, er hvergi að finna þegar lögreglan mætir á vettvang og við tekur umfangsmikil leit að henni. Vísbendingar benda á þrjátíu ára gamalt mannrán sem aldrei var leyst, en sakborningurinn, hinn svokallaði „Svarthöttur“ fannst aldrei. Fórnarlambið, Klara Larsen, komst hins vegar lífs af.

Sænska lögreglan vill ná tali af Klöru til að skoða líkindin milli málanna tveggja. Það kemur þeim á óvart að hún starfar nú fyrir lögregluna í Jótlandi og er auk þess einn af fremstu sérfræðingum lögreglunnar í brunarannsóknum. Klara forðast þó að deila fortíð sinni með nokkrum manni, ekki einu sinni félaga sínum og kærasta, Sebastian Winther. Hana hefur aldrei langað að snúa aftur til Svíþjóðar en í von um að bjarga stúlkunni, ferðast hún aftur til æskustöðvanna.

Hefndin er þriðja bók í hörkuspennandi seríu um Brennuvarginn eftir danska metsöluhöfundinn Inger Wolf. Hér í frábærum lestri Þórdísar Bjarkar Þorfinnsdóttur.

© 2023 Storytel Original (Hljóðbók): 9789180682329
© 2023 Storytel Original (Rafbók): 9789180682336

Þýðandi: Ingibjörg Eyþórsdóttir

Útgáfudagur

Hljóðbók: 20 juni 2023
Rafbók: 20 juni 2023