Stríð fyrir ströndum: Ísland í síðari heimsstyrjöld

Í þessari bók dr. Þórs Whitehead um Ísland í síðari heimsstyrjöld er lýst undirróðri þýskra nasista á Íslandi, tilraunum þeirra til að ná pólitískum og efnahagslegum tökum á landinu og koma á laggirnar „fimmtu herdeild“ sinni. Í fyrsta sinn er svarað spurningum sem brunnu á vörum margra frá lokum heimsstyrjaldarinnar síðari: Hvaða viðbúnað höfðu leyniþjónustur Þjóðverja og Breta í landinu í upphafi styrjaldarinnar? Hvert var hlutverk leynisendistöðvarinnar sem þýski ræðismaðurinn og SS-foringinn Gerlach starfrækti í bústað sínum í Túngötu? Hvernig vann undirróðursmaðurinn Gerlach að því að efla hér ítök nasista og hvaða sess átti Ísland að hljóta í þúsund ára ríki nasista? Hér birtist saga Íslands á styrjaldarárunum rakin eftir aragrúa frumheimilda sem höfundur hefur dregið að sér í öllum löndum sem við sögu koma. Þetta er saga örlagatíma, saga sem aldrei hefur verið sögð áður. Bækur Þórs Whitehead um Ísland í síðari heimsstyrjöld hafa notið einstakra vinsælda. Frásögn Þórs er lifandi og á köflum mjög spennandi án þess að slakað sé á fræðilegum kröfum. Árið 1996 hlaut Þór Íslensku bókmenntaverðlaunin fyrir bókina Milli vonar og ótta.

© 2025 Ugla útgáfa (Hljóðbók): 9789935330710

Útgáfudagur

Hljóðbók: 24 maj 2025