94 Umsagnir
4.46
Seríur
Hluti 1 af 1
Tungumál
Íslenska
Flokkur
Barnabækur
Lengd
1Klst. 58Mín

Ævintýri Freyju og Frikka: Drottningin af Galapagos

Höfundur: Felix Bergsson Lesari: Felix Bergsson, Þuríður Blær Jóhannsdóttir Hljóðbók og Rafbók

Hér segir frá ævintýraferð systkinanna Freyju og Frikka til Galapagoseyja með pöbbum sínum. Þar dvelja þau um borð í bátnum Drottningunni á Galapagos ásamt ferðalöngum frá öllum heimshornum, sigla í kringum eyjarnar og kynnast litskrúðugu dýralífinu. En brátt fara undarlegir atburðir að gerast og ljóst er að eitthvað gruggugt á sér stað um borð, eitthvað sem tengist sérstöku dýralífi eyjanna.

Freyja og Frikki finna dularfulla ferðatösku sem hverfur jafn harðan. Þau gera sér grein fyrir að það er ósvífinn þjófur um borð. Þeim er þó ekki trúað og því neyðast tvíburarnir til að leysa málin upp á eigin spýtur, án aðstoðar þeirra fullorðnu. Þá reynir virkilega á samheldni og samvinnu ungu spæjaranna. Frikki rekur atburðarrásina fyrir mömmu á Íslandi í dagbókinni sinni en Freyja hefur ekki eirð í sér til að skrifa og talar sínar hugsanir inn á lítið upptökutæki. Brátt fer myndin að skýrast en tekst þeim að koma upp um þjófinn í tæka tíð?

Ævintýri Freyju og Frikka: Drottningin á Galapagos er fyrsta sagan í bókaflokki eftir Felix Bergsson, í dásamlegum lestri höfundar og Þuríðar Blævar Jóhannsdóttur. Hér er á ferðinni sannkölluð ævintýraferð um framandi slóðir fyrir alla fjölskylduna. Felix er landskunnur fyrir barnaefni sitt, bæði fyrir sjónvarp og leikhús og sem annar helmingur í dúóinu Gunni og Felix. Hann sendi frá sér Ævintýrið um Augastein árið 2003.

© 2022 Storytel Original (Hljóðbók) ISBN: 9789180351805 © 2022 Storytel Original (Rafbók) ISBN: 9789180354417

Skoða meira af

Aðrir kunnu líka að meta...