Bjössi bolla er skemmtilegur prakkari sem elst upp í sveit. Hann gerir at í öllum og hefur orðið víðfrægur í meðförum Magnúsar Ólafssonar leikara. Bókin er hljóðskreytt og Bjössi sjálfur syngur líka nokkur þekkt lög.
Í bókinni eru sögur af Ingu frænku og músinni, það var nú flott sjón að sjá Ingu taka á sprett! Eða þegar Bjössi fór í einvígi við Valla Vestfjarðavíking, og ætlaði aldeilis að lyfta þyngri steinum en hann. Skyldi það takast? Fleiri koma við sögu, eins og Siggi súri og hesturinn Skjóni. Þetta er bráðskemmtileg bók fyrir alla aldurshópa. Ekki er verra að hægt er að tralla með í lögum sem allir þekkja.