Bold-fjölskyldan býr í venjulegu húsi í ósköp venjulegu úthverfi – en hún er fjarri því að vera venjuleg fjölskylda. Frú Bold hannar skringilega hatta úr eggjakössum og kjúklingabenum. Herra Bold er mikill brandarakall sem af einhverri ástæðu sýnir ruslatunnum nágrannanna sérstakan áhuga. Bobbý er kátur krakki, hann er sífellt á harðahlaupum, þegar hann er ekki að naga sundur stóla og borð. Bettý eltir bróður sinn á röndum og rekur annað slagið upp skringilegan hneggjandi hlátur.

Já, Bold-fjölskyldan er fjarri því að vera venjuleg og hún á sér ótrúlegt leyndarmál. Hvað skyldi það nú vera?