Ein vinsælasta barnabók síðari ára er Emil og Skundi eftir Guðmund Ólafsson. Emil er tíu ára strákur sem langar til að eignast hvolp - og hann lætur drauminn rætast! Þegar í ljós kemur að pabbi hans er ekki sérlega hrifinn af þessu bralli sonarins strýkur Emil að heiman - með hvolpinn Skunda í fanginu.

Þannig hefst sagan um félagana Emil og Skunda sem eiga eftir að lenda í ótal ævintýrum saman. Emil og Skundi kom út árið 1986 og vakti verðskuldaða athygli. Bókin hlaut Íslensku barnabókaverðlaunin, auk þess sem gerð var eftir henni vinsæl kvikmynd er nefnist Skýjahöllin.

Í kjölfarið fylgdu bækurnar Emil, Skundi og Gústi og Emil og Skundi - Ævintýri með afa sem einnig nutu mikillar hylli lesenda. Höfundurinn sjálfur, Guðmundur Ólafsson, les.

© 2019 Storyside (Hljóðbók): 9789178899036

Útgáfudagur

Hljóðbók: 14 februari 2019