Fyrir daga farsímans er nýtt smásagnasafn eftir Böðvar Guðmundsson sem frægastur er fyrir vesturfarabækur sínar Hýbýli vindanna og Lífsins tré. Líkt og í þeim opnar skáldið hér á glugga inn í gamlan heim. Að þessu sinni er það heimur þar sem líf og reynsla karlmanna er í fyrirrúmi, langanir þeirra, hugsanir og þrár sem þeir hafa ef til vill aldrei látið í ljós. Furðulegir helgidómar á altari kirkju sem var vígð 1882. Leiðsögumaður þýskra túrista sem þarf að þola að þeir hegða sér allt öðruvísi en honum líkar. Hernaðarsaga Íslendinga, ástir í braggahverfi og söngnám á Ítalíu er meðal þess sem hér segir frá og sögurnar eiga það sammerkt að gerast fyrir daga farsímans. Böðvar þarf vart að kynna en hann hefur verið ástsælt skáld um áraraðir og meðal ann­ars hlotið Íslensku bókmenntaverðlaunin.