Handritagildran: Bókaþjófurinn kjöldreginn – 1. hluti

Síðustu misseri hefur dularfullur aðili valdið usla í íslenskri bókaútgáfu. Hann hefur sett sig í samband við landsþekkta rithöfunda og aðra sem tengjast íslenskri bókaútgáfu, í þeim tilgangi að stela handritum að nýjum bókum. Þegar rithöfundinum Friðgeiri Einarssyni varð ljóst að hann væri nýjasta skotmark hins alræmda þrjóts ákvað hann að taka málin í eigin hendur. En mitt í rannsókn Friðgeirs var 29 ára Ítali handtekinn í New York, fyrir glæpi hins íslenskumælandi bókaþjófs. Við handtökuna vöknuðu fleiri spurningar en svör. Hver er bókaþjófurinn, og hvað vill hann? Í þessum fyrsta hluta kynnir rithöfundurinn Friðgeir Einarsson bókaþjófinn til sögunnar og segir frá þeirra fyrstu kynnum. Rætt er við ýmsa rithöfunda og útgefendur sem þrjóturinn hefur lagt snörur sínar fyrir. Hverjar eru afleiðingar þess að lenda í eða falla fyrir svona svindli? Hvað er það sem þjófurinn vill? Hvernig ber maður nafn norska þýðandans Tone Myklebost raunverulega fram? Friðgeir einsetur sér að komast að sannleikanum í málinu og hefur rannsókn sína. Handritagildran: Bókaþjófurinn kjöldreginn er ný hljóðsería úr smiðju Storytel Original, eftir rithöfundinn Friðgeir Einarsson.

© 2022 Storytel Original (Hljóðbók): 9789180364935

Útgáfudagur

Hljóðbók: 5 april 2022