Kiona býr á lítilli og afskekktri eyju í Suður-Kyrrahafi þar sem hún vinnur við köfun og perluvinnslu, auk þess sem hún aðstoðar móður sína í sjúkraskýlinu. Dag einn ferst lítil snekkja á rifi við eyjuna. Um borð er Svíinn Erik sem heimamenn bjarga við illan leik.

Koma hans á eyjuna verður upphaf á stórfenglegri spennu- og ástarsögu sem berst um fjórar heimsálfur. Hrífandi skáldsaga um mannleg örlög, ást og peninga, ofbeldi og yfirgang, fátækt og einangrun, menntun og trú.

Sænski verðlaunahöfundurinn Liza Marklund hefur aldrei verið betri en í þessari kyngimögnuðu sögu sem trónað hefur í efsta sæti metsölulistanna víða um heim.