Benjamín

Skáldsagan Benjamín er nútíma Reykjavíkursaga sem gerist á einu sumri. Hún segir frá myndlistarmanninum Benjamín, sem dvalist hefur um áratugaskeið erlendis, en er nú kominn til æskustöðvanna í þeim tilgangi að halda þar sýningu á verkum sínum. Á meðan á dvöl hans stendur kynnist hann náið systursyni sínum, Kjartani, sem jafnframt er sögumaður. En hver er þessi Benjamín? Fyndinn furðufugl, háðskur afneitari flestra viðtekinna hefða, kæruleysingi? Svo mætti halda við fyrstu sýn. En drengurinn Kjartan uppgötvar smátt og smátt annað. Lífsviðhorf og gildismat Benjamíns er frábrugðið því sem Kjartan hefur vanist í uppeldi sínu. Hann heillast eigi að síður af hugarheimi og persónuleika Benjamíns og eftir komu listamannsins er ekkert sem áður.

© 2023 Einar Örn Gunnarsson (Hljóðbók): 9789935253354

Útgáfudagur

Hljóðbók: 1 mars 2023