Ungur maður skrifar látinni móður sinni bréf þar sem hann lýsir ískyggilegu lífi sínu á bersöglan og ágengan hátt. Hann sér veröldina og lögmál hennar í vægast sagt einkennilegu ljósi. Í bréfum unga mannsins kynnist lesandinn ógleymanlegri persónu, manneskju sem ekkert er heilagt í sínu guðlega æði. World Literature Today: „Með Tári paradísarfuglsins hefur Einar Örn Gunnarsson skrifað röð sérkennilegra, dularfullra og á köflum ógnvekjandi bréfa sem eignuð eru manni sem er líkamlega, andlega og tilfinningalega skaðaður. Bréfin lýsa annars vegar skelfilegri martraðartilveru, draumkenndri veröld á valdi kafkaískra uppákoma og óhugnaðar sem nær langt út fyrir mörk ímyndunaflsins og hins vegar lýsa þau lokuðum listrænum heimi sem samanstendur af framandlegum málverkum og skissum en einnig leyndardómsfullri bók sögupersónunnar sem utanaðkomandi fá ekki skilið. Tár paradísarfuglsins er margslungin, hrollvekjandi og spennandi lesning.“ Fyrsti kafli sögunnar kom út sem sjálfstæð smásaga er nefndist Bréf til mömmu árið 1986 og vakti sterk viðbrögð lesenda.

© 2023 Einar Örn Gunnarsson (Hljóðbók): 9789935253330

Útgáfudagur

Hljóðbók: 15 mars 2023