Sæmd

Á köldu vetrarkvöldi árið 1882 situr Benedikt Gröndal skáld í einkennilega húsinu sínu og ákveður að rífa sig upp úr drykkju og draumórum og mæta til kennslustarfa í Lærða skólanum daginn eftir. Þar er hins vegar kominn til valda helsti lærdómsmaður landsins, Björn M. Ólsen, sem lítur á það sem sitt lífsverkefni að hefja þjóðina upp úr fáfræði og vesældómi; og það verði ekki gert án hörku og aga. Skólapiltar voru fjöregg landsins og framtíð, og því áríðandi að ala þá upp í réttum anda. Ólíkir menn, ólíkar hugmyndir – og atvik í skólanum verður til þess að þeim lýstur saman.

Í þessari heillandi og fágætlega vel skrifuðu sögu er byggt á raunverulegum atburðum og persónum, og þær notaðar til þess að draga upp áhrifamikla mynd af svipmiklu fólki og mannlífi á viðkvæmu skeiði í sögu þjóðarinnar. En Sæmd er líka saga um glæp og refsingu, hugrekki, eðli valdsins, stéttaskiptingu, hlutverk skáldsins í samfélaginu – og sæmdina.

Guðmundur Andri Thorsson er einn snjallasti rithöfundur þjóðarinnar, víðkunnur og vinsæll pistlahöfundur og hefur skrifað fjölda skáldverka sem hlotið hafa mikið lof, ekki síst fyrir stílgáfu höfundarins.

© 2021 JPV (Hljóðbók): 9789935291509
© 2021 JPV (Rafbók): 9789935114082

Útgáfudagur

Hljóðbók: 29 april 2021
Rafbók: 17 april 2021