Pantaljón og sérþjónustan

Pantaljón höfuðsmaður fær úthlutað sérstöku leyniverkefni á vegum hersins í frumskógum Perú. Hann er að eðlisfari siðavandur og bregður því illilega þegar kemur í ljós að verkefnið felst í því að skipuleggja „sérþjónustu“ kvenna til að svala ástarþörfum hermannanna í afskekktum herfylkjum.

En Pantaljón gengur til þessa verks af sömu einurð og hann er vanur. Með hárnákvæmri formfestu og skipulagshæfni kemur hann „sérþjónustunni“ á koppinn. Pantaljón og yfirmenn hans reyna eftir bestu getu að láta þessa starfsemi ekki fara hátt. En brátt fer að kvisast út hvaða verkefni hinir föngulegu liðsmenn „sérþjónustunnar“ hafa með höndum.

Dásamlegur farsi eftir einn af meisturum spænskra bókmennta, Perúmanninn Mario Vargas Llosa, handhafa bókmenntaverðlauna Nóbels árið 2010.

© 2019 Storyside (Hljóðbók): 9789178899203

Þýðandi: Sigrún Ástríður Eiríksdóttir

Útgáfudagur

Hljóðbók: 29 mars 2019