Þar sem villtu blómin vaxa

Maya Björk virðist hafa allt sem nokkur gæti óskað sér – mikilvæga stöðu í farsælu sprotafyrirtæki, unnusta sem hún hefur elskað síðan á námsárunum og líf í miðbæ Stokkhólms sem flestir gætu bara látið sig dreyma um. En á einu sekúndubroti er þetta allt tekið frá henni.

Þegar Maya heldur að líf hennar sé komið í þrot hafnar hún í litla, sænska skerjagarðsbænum Arkösund þar sem hún reynir að finna lífinu nýjan farveg.

Þar sem villtu blómin vaxa er saga um að týna sjálfum sér og finna sig svo á alveg óvæntum stað. Um það sem getur gerst þegar við neyðumst til að sleppa takinu á öllu því sem við höldum að við viljum og eigi að vera, og lærum í staðinn að skilja hvað skiptir í raun og veru máli.

Louise Strömberg er markþjálfi, jógakennari og rithöfundur. Hennar leiðarljós er að leiðbeina fólki um að lifa í sjálfbærni og af hjartans lyst – það gerir hún í gegnum Instagram-síðu sína, bækur, jógatíma og fyrirlestra.

Þar sem villtu blómin vaxa er fyrsta skáldsagan hennar.

„Dásamlegur ljúflestur í anda Lucindu Riley“ Nordin

„Þessi bók er gimsteinn“ Carolines Bokhylla

Urður Snædal íslenskaði

© 2025 Sögur útgáfa (Hljóðbók): 9789935312969
© 2025 Sögur útgáfa (Rafbók): 9789935312976

Þýðendur: Urður Snædal

Útgáfudagur

Hljóðbók: 30 juli 2025
Rafbók: 30 juli 2025