Hinir vitgrönnu, skagfirsku bræður Gísli, Eiríkur og Helgi eiga sér traustan stað í þjóðarvitund Íslendinga, en heimskupör þeirra hafa skemmt börnum og fullorðnum svo lengi sem elstu menn muna. Þjóðsögur Jóns Árnasonar eru ómissandi hluti af menningararfinum og hér gefst ungum lesendum tækifæri á að kynnast Bakkabræðrum í lifandi lestri Sigríðar Lárettu Jónsdóttur.