*Goðsagnir Texas – The McCabes 2*

Stórbóndinn og fyrrverandi hermaðurinn Matt McCabe vill gjarnan hjálpa vinkonu sinni, dýralækninum Söru Anderson, sem er nýorðin ekkja. Hún biður hann um að taka þátt í að þjálfa hunda til að aðstoða fyrrverandi hermenn, en af einhverjum ástæðum kærir Matt sig ekki um það. Í staðinn býðst hann til að annast Charley, átta mánaða gamlan son hennar. Greiðasemin minnir æ meira á fjölskyldulíf, en erfiðleikar úr fortíðinni torvelda að framtíðin geti orðið björt. Nægja sívaxandi ást og sameiginleg reynsla til að halda þeim saman?