Trölladans – Seinni hluti

Seinni hluti! Meðan pabbi Jonna situr á fundi á gömlum sveitabæ ráfar Jonni upp í fjall fyrir ofan bæinn. Þar lendir hann í vandræðum en þá birtist Tóta tröllastelpa og fyrr en hann veit af er hann kominn inn í Tröllabyggð, þar sem tekur á móti honum heil hersing af tröllum. Það kemur í ljós að tröllin eiga í tröllslegum vanda. Galdrakarlinn Seðill hefur stolið frá þeim ómetanlegum uppdrætti sem sýnir leiðina að Vonarblómi í vestri, Steinrós í suðri og Skessufífli í Skollagili. En þessar jurtir eru nauðsynlegar tröllum til að verjast því að steingerast. Jonni tekur að sér, ásamt Tótu, að fara í leiðangur til Hvergivalladals, þar sem Seðill býr, og ná aftur uppdrættinum. Þetta verður spennandi og ævintýralegur leiðangur þar sem við sögu koma meðal annarra Trítill lukkutröll, Ferðafugl, Álfur og Refur. Tekst þeim að endurheimta uppdráttinn og ná jurtunum þremur í tæka tíð fyrir Skessunótt? Hér er kominn frumsaminn rokksöngleikur fyrir börn á öllum aldri, fyrstur sinnar tegundar, aðeins á Storytel. Með aðalhlutverk fara Mikael Emil Kaaber, Birna Pétursdóttir, og Eyþór Ingi Gunnlaugsson, ásamt einvala liði frábærra leikara. Sagan er skrifuð af Guðmundi Ólafssyni sem tvisvar hefur unnið Íslensku barnabókaverðlaunin fyrir bækurnar um Emil og Skunda. Meðhöfundur og höfundur tónlistar er Friðrik Sturluson. Upptökustjórn, tónlistarstjórn og útsetningar voru í höndum Kristins Sigurpáls Sturlusonar og Friðriks Sturlusonar.

© 2022 Storytel Original (Hljóðbók): 9789180357814

Útgáfudagur

Hljóðbók: 9 juni 2022