Draumur þinn rætist tvisvar

Draumur þinn rætist tvisvar er skáldsaga um glaðværð lífsins og hina óumflýjanlegu skugga, þroskasaga þar sem sérstaka athygli vekur nærfærin lýsing á sambandi drengs við ömmu sína. Aðalpersóna sögunnar er þátttakandi í leik lífsins uns henni er varnað þess. Sársaukinn flæðir inn og hið kyrra yfirborð sögunnar, kunnuglegt umhverfi, fær allt í einu annan lit.

Sagan er sögð af hógværð, raunsæi einkennir hana, en aldrei fjarri er grunur um aðra og dýpri merkingu hverdagslífsins líkt og örn fljúgi yfir og varpi skugga á veröld sem í fljótu bragði virðist áhyggjulaus.

Látlaus frásagnarstíll höfundar er trúverðugur og leynir einatt á sér. Undir lok sögunnar opnast lesandanum ný sýn og hann er reynslunni ríkari.

© 2019 Sigurður Skúlason (Hljóðbók): 9789179215033

Útgáfudagur

Hljóðbók: 11 juni 2019