Elías kemur heim

Elías, mamma hans og pabbi eru komin heim til Íslands aftur. Það hefði átt að verða mjög friðsamlegt, því Magga móðursystir mömmu varð eftir í útlöndum. En það er enginn friður. Pabbi Elíasar sér fyrir því. Elías veit ekki hvort hann er orðinn svona gamall eða hvort hann varð svona af að lenda í Fílnum. Eða, eins og Simbi segir: „Enginn með viti þrasar við fíl.“

Það hjálpar ekkert, að mamma Elíasar er alveg róleg. Hún er það nefnilega bara af því að hún sefur allan daginn. Sjálf segir hún að það sé litla bróður Elíasar að kenna og að hún vakni örugglega þegar hann fæðist. Elías veit ekki hvort hann á að þora að trúa því. Hann hefur áhyggjur af hvað verði um litla bróður sinn. Því sennilega á litli bróðir ekki von á því að eignast mömmu sem sefur stanslaust og pabba sem gerir eintómar vitleysur.

Sem betur fer á litli bróðir stóran bróður sem ákveður að bjarga honum.

Hér er á ferðinni fimmta og síðasta bókin í hinum bráðfyndna bókaflokki Auðar Haralds um Elías.

Elías er einstaklega vel máli farinn, hnyttinn, bráðger og framhleypinn ungur strákur, auk þess sem hann kippir rækilega í örlagaþræði fjölskyldu sinnar, trekk í trekk.

Aðdáendur Elíasar, gamlir sem og nýir, geta fagnað því að Elíasarbækurnar eru loksins aðgengilegar á ný, og nú í dásamlegum lestri Sigurðar Sigurjónssonar sem er hlutverkinu kunnugur frá sínum yngri árum þegar hann gengdi hlutverki Elíasar í samnefndum innslögum í Stundinni okkar.

© 2022 Storyside (Hljóðbók): 9789179890759
© 2022 Storyside (Rafbók): 9789179890766

Útgáfudagur

Hljóðbók: 13 april 2022
Rafbók: 13 april 2022