Litlar konur

Litlar konur (Little Women) eftir bandaríska rithöfundinn Louisu May Alcott er ein vinsælasta skáldsaga síðari tíma. Bókin segir uppvaxtarsögu fjögurra systra — hinnar fögru og dygðugu Möggu, strákastelpunnar Jóu, hinnar blíðlyndu Betu og ofdekruðu Önnu litlu. Tilvera þeirra fer úr skorðum þegar fjárhagur fjölskyldunnar hrynur. Í sama mund er faðir systranna kallaður í herinn, en sagan gerist í skugga bandaríska borgarastríðsins á nítjándu öld. Nokkru síðar fer móðir þeirra að hjúkra föðurnum. Systurnar fjörmiklu þurfa þá að takast á við lífið upp á eigin spýtur.

Einstaklega hugljúf og skemmtileg skáldsaga sem hefur heillað kynslóðir lesenda, eða allt frá því að hún kom fyrst út árið 1868.

Louisa May Alcott (1832–1888) var þekktur femínisti á sinni tíð og tók einnig þátt í baráttunni fyrir afnámi þrælahalds. Litlar konur er frægasta bók hennar. Hún byggir að hluta á æsku hennar sjálfrar. Þegar hún var spurð að því af hverju hún hefði aldrei gengið í hjónaband gaf hún þá skýringu að hún hefði orðið ástfangin af fjölmörgum fallegum stúlkum en aldrei haft snefil af áhuga á körlum. Alcott barðist hart fyrir því að konur fengju kosningarétt og var fyrsta konan til að skrá sig sem kjósanda í bænum Concord í Massachusetts.

© 2020 Storyside (Hljóðbók): 9789179899318
© 2020 Ugla útgáfa (Rafbók): 9789935214393

Þýðendur: Páll Skúlason

Útgáfudagur

Hljóðbók: 25 februari 2020
Rafbók: 26 oktober 2020