Snákurinn mikli

„Þegar Mathilde á í hlut fer hver einasta kúla þangað sem henni er ætlað að fara, allt er snyrtilega gert og vandræðalaust. Þetta kvöld er undantekning frá þeirri reglu … Hún hefði getað skotið manninn úr meiri fjarlægð, ekki eins hrottalega, skotið aðeins einni kúlu, að sjálfsögðu.”

Mathilde er miðaldra andspyrnuhetja, ekkja, móðir og hundavinur. Þessi elskulega kona sem er hvers manns hugljúfi á sér hins vegar aðra og skuggalegri hlið sem aðeins örfáir vita um …

Metsölu- og verðlaunahöfundurinn Pierre Lemaitre fer á kostum í þessari bráðskemmtilegu spennusögu sem hann skrifaði í upphafi ferils síns og er bókin jafnframt sú síðasta á ferli hans sem spennusagnahöfundar. Höfundareinkenni hans njóta sín hér að fullu: snörp og hröð samtöl, magnaðar mannlýsingar, úthugsuð, óvænt og hörkuspennandi atburðarás. Lemaitre er einn vinsælasti spennusagnahöfundur Frakka og margverðlaunaður fyrir Verhoeven-þríleik sinn sem kom út á íslensku á árunum 2014–2017.

© 2023 JPV (Hljóðbók): 9789935294241

Þýðendur: Friðrik Rafnsson

Útgáfudagur

Hljóðbók: 2 februari 2023