Guð hins smáa

Í þorpinu Ayemenem á Indlandi búa tvíburarnir Rahel og Estha ásamt móður sinni og sundurleitum hópi ættingja. Þegar frænka tvíburanna kemur með móður sinni í heimsókn frá Englandi komast Rahel og Estha að raun um að allt getur breyst á einni nóttu og að ástinni og lífinu getur lokið á andartaki.

Mörgum árum síðar snýr Rahel aftur á æskuslóðir og hittir Estha bróður sinn eftir langan aðskilnað. Smám saman flettir sagan ofan af leyndarmálum fjölskyldunnar og atburðunum sem ollu straumhvörfum í lífi hennar og settu óafmáanleg spor á örlög fólksins.

Guð hins smáa er listilega samin skáldsaga. Hún er allt í senn – hlý, framandleg, hjartnæm, seiðandi og átakanleg – en ekki síður fyndin. Hún aflaði höfundi sínum heimsfrægðar, varð á undraskömmum tíma metsölubók víða um lönd og hlaut bresku Booker-verðlaunin árið 1997. Hér í frábærum lestri Sólveigar Arnasdóttur.

© 2022 Mál og menning (Hljóðbók): 9789979346586

Þýðendur: Ólöf Eldjárn

Útgáfudagur

Hljóðbók: 29 mars 2022