Í þessari bók varpar Einar upp ljóslifandi myndum af bernskuheimili sínu, uppvexti á kreppuárunum, atvinnu- og mannlífi í Eyjum á 20. öldinni, bátasmíði, útgerð og sjósókn. Hann greinir frá merkilegum trúarreynslum, persónulegri sorg og dapurri lífsreynslu. Lesandinn fær að skyggnast inn í huga sálusorgarans, sem verður að veita huggun og ráð á erfiðum stundum. Frásögnin er lifandi og á köflum leiftrandi skemmtileg, og krydduð góðum sögum eins og Einars var vandi.