Vilt þú aðgang að göldrum - mátt viljans og öðlast þannig varanlega velsæld?
Máttur viljans er bók sem gerir þér kleift að losna undan álögum. Ekki þess háttar álögum sem við lesum um í ævintýrunum, heldur sjálfsálögum – öllu því neikvæða sem við leggjum á okkur sjálfviljug og þar með á allan heiminn.

Þetta er bók um að lifa annaðhvort í sjálfstýringu þar sem skortur og vansæld ráða ríkjum, eða í eigin mætti, í velsæld og fullri kærleiksríkri ábyrgð.

Við erum öll ljós og ótakmörkuð orka. Öll athygli er ást, orka og bæn. Allt sem við veitum athygli vex og dafnar; einmitt þess vegna er grasið alltaf grænna hinum megin.

Máttur viljans spyr þessarar einföldu en mikilvægu spurningar:„Af hverju áttu ekki í einlægu ástarsambandi við þig?“

"Þessi bók á eftir að hrista ærlega upp í þeim sem hafa kjark til að lesa hana og meðtaka boðskap hennar.” -Jóhann Ingi Gunnarsson, sálfræðingur

Guðni hefur mikla reynslu af hug- og heilsurækt eftir að hafa starfað sem lífsráðgjafi í rúmlega 30 ár. Hann er meðal annars fyrsti einkaþjálfarinn á Íslandi og stofnandi og upphafsmaður GlóMotion og Rope Yoga hugmyndafræðinnar, sem nýtur vaxandi vinsælda hérlendis og vestanhafs.

Máttur viljans er fyrsta bók Guðna sem fer í almenna dreifingu og sölu, en áður hefur hann gefið út ýmis ritverk sem tengjast námskeiðum á Rope Yoga Setrinu.