Tólf keisarar III - Tiberius og Caligula

„Einhver skemmtilegasta bók sem rituð hefur verið.“ - Egill Helgason „Frábær bók, oft á toppi sagnfræðinga um Rómaveldi.“ - Hallgrímur Helgason

Um árið 100 hóf Suetonius að skrifa sögu fyrstu keisara Rómaveldis. Í afar fjörugri og líflegri frásögn rekur hann afreksverk þeirra jafnt sem ótrúlega glæpi, samsæri, undirferli og yfirsjónir í rúminu í bland við orrustur, borðsiði og fjölskyldumál. Þetta er sú bók sem listamenn leita til þegar þeir vilja litríka og nákvæma mynd af mögnuðum tíma í sögu mesta heimsveldis fornaldar. Þetta er sannarlega bersögul og tæpitungulaus frásögn.

Þýðing verksins var styrkt af Miðstöð íslenskra bókmennta.

Í þessum þriðja hluta Tólf keisara segir frá Tiberiusi og Caligula. Sá fyrrnefndi virtist tregur til að taka við stjórnartaumunum eftir fráfall Ágústusar stjúpföður síns en þegar fram liðu stundir sleppti hann fram af sér beislinu. Hann lokaði sig af á eyjunni Capri og ástundaði þar svo skelfilegar nautnir að hverjum manni hlaut að blöskra. Og eftir að Tiberius hafði látið drepa hvern ættingja sinn af öðrum stóð aðeins hinn kornungi og kengruglaði Caligula eftir sem arftaki hans. Caligula varð holdgervingur hins vitfirrta keisara sem engin bönd héldu og lét allt eftir sér.

© 2021 Storyside (Hljóðbók): 9789152181270
© 2021 Storyside (Rafbók): 9789180627962

Þýðandi: Illugi Jökulsson

Útgáfudagur

Hljóðbók: 14 juli 2021
Rafbók: 14 juli 2021