Melastelpan er mætt til leiks á ný, nú sem geimvera – sem við erum öll -, sem landnemi í Hveragerði ásamt hinum dularfulla Einari, sem farfugl í Búlgaríu, sem einstæð móðir í Reykjavík, og umfram allt sem leitandi að máli og merkingu fyrir ritstörf sín og tilvist.

Norma E. Samúelsdóttir greindi frá bernsku sinni í fyrri bók sinni með sama heiti. Í þessari bók kemur hún inn á greiningu sem hún fékk tæplega sextug, ADHD. Greiningin færir henni nýja sín á lífið. Bónus eður ei?

„Skemmtileg frásagnarlist og innsæi í mannlega tilveru sem aðrir ættu erfitt með að leika eftir. Það er svo margt sem gerist á stuttri ævi. Vel gert, Norma.“ – Stefán Jóhannsson, fjölskylduráðgjafi