Girndarráð: Ást á tímum feðraveldis

Árið 1000 heillast Þorkatla og Helgi hvort af öðru og þrá ekkert fremur en að ganga í hjónaband. Faðir Kötlu er valdamikill og skapstór höfðingi sem meinar þeim að eiga í samskiptum. Þrályndi elskendanna, mótlætið í þjóðfélaginu og bráðlyndi Helga reyna á ástarsamband þeirra svo árum skiptir.

Skáldsagan Girndarráð byggist á Skáldhelgarímum sem voru ortar eftir týndri sögu af Skáld-Helga. Rímurnar finnast í fornritum og voru samdar á 14. eða 15. öld. Skáldsagan litast af hugarfari Íslendinga á 11. öld, þar sem Ásatrú, galdrar, kristni og ástarmál stönguðust gjarnan á. Inn í skáldsöguna fléttast frásagnir af merkismönnum sem voru samtíðarmenn Skáld-Helga samkvæmt Íslendingasögum.

Girndarráð er umsvifamikil og spennandi ástarsaga sem tekur lesandann um vesturhluta Íslands, til Noregs, suður til Rómar og til Grænlands. Hér birtist hún í glæsilegum lestri Birgittu Birgisdóttur.

© 2022 Storyside (Hljóðbók): 9789180624619

Útgáfudagur

Hljóðbók: 5 september 2022